KITAEN : Ti panagsapata dagiti duapulo ket uppat a sigud a kameng ti Underground Mass Organizations (UGMOS) kas panangipakita ti kinapudno da, panagtalek ken kooperasion da iti gobierno. Agpapada dagitoy a residente ti sitio Kimpatubbog, Poblacion, Suyo, Ilocos Sur.

Ti aktibidad ket paset ti Indignation Rally kontra kadagiti kalaban ti Gobierno a napasamak itay bigat, Setyembre 16,2020 iti nadakamat a lugar. Naipakita pay ditoy ti simboliko a panangpuor dagiti residente kadagiti “effigy” dagiti lideres ti kalaban a grupo. Daytoy a programa ket nagtitinnulungan ti Provincial Government of Ilocos Sur nga idauloan ni Gov Ryan Singson, a mangidadaulo met laeng ti Provincial Task Force to End Local Communist Armed Conflict (PTF ELCAC), Municipality of Suyo iti liderato ni Mayor Mario Subagan, 81st Infantry (Spartan) Battalion ti Philippine Army ken suportado pay ti Ilocos Sur Police Provincial Office. Adda ditoy da Lt Col. Eduardo Marinas ken PMaj Andrew Rabang, Vice Mayor Samuel Subagan ken dadduma pay nga opisiales ti ili ken barbarangay. Dagiti amin a sektor ket sisusuporta iti programa ti administrasion ni Presidente Rodrigo Duterte a manggibusen iti insurhensia ti pagilian babaen ti “whole of nation approach” wenno panagtitinnulong ti amin nga ahensia ken sektor ti gobierno.

Ladawan : Michael P Escobar

Newsteam : Michael P Escobar, Markray Sabalburo, Ralph Sabalburo