Ryan Rice Hybrid Seed Assistance of Provincial Government for Farmers

Uray iti kangitingitan ti krisis ti COVID-19, itultuloy latta ni Gov Ryan Singson ken ti sibubukel a Provincial Government of Ilocos Sur ti suportarda kadagiti mannalon. Naiwaras dagiti hybrid seeds ken foliar fertilizer iti Suyo ken agduduma nga ili ditoy probinsia. Daytoy ket iti salinong ti Ryan Rice Hybrid seed assistance ti Provincial Government. Makita met ti physical distancing dagiti benipisiaryo kas pannakikaysada ti protocol iti makunkuna a new normal iti panawen ti pananglaban ti virus. Napalaos met ti panagyaman dagiti mannalon kadagitoy a naawatda.