Naimbag nga aldaw tay amin kakailian!

Iti daytoy manen a gundaway, ulitek manen ti dumawat ti agtultuloy a kooperasyon, tulong ken pannakaawat iti tumunggal maysa nangnangruna iti panagipatungpal kadagiti pagalagadan nga iyet itnag kanya tayo ti gobyerno tayo.
Idi laeng Biernes, Nobyembre 6, 2020, adda manen nainayon a sangapulo ket tallo (13) a COVID-19 CONFIRMED CASES ditoy probinsya tayo, kaadduan ket LSI ken adda met ROFs, RRs ken APORs (Medical Frontliners) manipud kadagiti ili iti Cabugao, Vigan City, San Esteban, Sta Maria, Burgos, Santiago ken Lidlidda.
Idi met Lunes, Nobyembre 9, 2020, adda manen nainayun a maysa (1) a COVID-19 CONFIRMED CASE tayo iti Candon City. Daytoy ket awan met iti naibaga a panagbyahe na iti ruwar ti Probinsya tayo nga Ilocos Sur
Inyetnag garud ni Gov. Ryan Luis Singson ti Executive Order No. 37, Series of 2020 idi October 7, 2020 ket ditoy a nakalanad dagiti kasapulan a dokumentos para kadagiti umuneg iti probinsya tayo nga Ilocos Sur.

🖍️Dokumentos nga kasapulan nga maipakita dagiti ROF’s (Returning Overseas Filipino Workers):
➡️Certipikasyon nga nagapo idiay Bureau of Quarantine, nalpas na man wenno saan ti 14 aldaw nga panag-quarantine
➡️Negatibo nga resulta ti RT-PCR test na
➡️Travel Authority (Kalaksidan no ti ROF ket inkoordinasyon ti OWWA wenno dadduma pay nga ahensya ti gobyerno)
➡️Masapul garud nga maki-coordinate ken MDRRMO iti hotline No. 09057794108
➡️Ti ROF nga sumangpet ket sabaten ti LGU iti border ket ideretso na sadiay Municipal Quarantine Facility

🖍️Dokumentos nga kasapulan nga maipakita ti LSI’s (Locally Stranded Individuals):
➡️Health Certificate
➡️Travel Authority
➡️Pamaneknek nga isuna ket umindeg iti Probinsya ti Ilocos Sur
➡️Pamaneknek nga isuna ket umindeg iti LGU nga pagawidan na
➡️Masapul nga maki-coordinate kenni MDRRMO iti hotline No. 09057794108
➡️Negatibo a RT-PCR test nga naala iti uneg ti tallo (3) nga aldaw. ket no awan masapul nga ag-Antigen Test sadiay border ti Ilocos Sur.
➡️Dagiti LSI nga aggapo iti apektado nga lugar ket mandato nga ma-quarantine ti 14 nga aldaw.

🖍️Dokumentos nga kasapulan nga maipakita dagiti RR’s (Returning Residents):
➡️Health Certificate
➡️Travel Authority
➡️Pamaneknek nga isuna ket umindeg iti Probinsya ti Ilocos Sur
➡️Pamaneknek nga isuna ket umindeg iti LGU nga pagawidan na
➡️Masapul nga maki-coordinate kenni MDRRMO iti hotline No. 09057794108
➡️Negatibo a RT-PCR test nga naala iti uneg ti tallo (3) nga aldaw, ket no awan masapul nga ag-Antigen Test sadiay border ti Ilocos Sur.
➡️Dagiti RR ket masapul latta nga sumurot iti paganurutan nga ag quarantine iti 14 nga aldaw.

🖍️Dokumentos a kasapulan a maipakita dagiti APOR’s (Authorized Personnel Outside Residence)
👉APORs nga aggapo iti sabali a probinsya nga adda official business in the province for a brief period of time.
➡️Company I.D.
➡️Dokumento a mangipakita iti rason nga umay ditoy probinsya.
➡️Health Certificate a nagapo idiay nagapwan na a lugar
➡️Negatibo a RT-PCR test ket no awan masapul nga ag-Antigen Test sadiay border ti Ilocos Sur ti unos ti tallo(3) nga aldaw.
👉APORs a residente iti Probinsya nga agawid kalpasan iti trabaho. (Frequent border Crossers)
➡️Company I.D.
➡️Negatibo a RT-PCR test ket no awan masapul nga ag-Antigen Test sadiay border ti Ilocos Sur kada tunggal sangapulo ket uppat (14) nga aldaw.
Dagitoy nga APORs ket:
➡️Masapol a limitaran da iti garaw da iti trabaho ken pagnaedanna

Ngarud, gapu kadagitoy a pasamak, maigunamgunam iti naan-anay nga panagannad. Sapayla la koma ta haan tayo a mauma a sumurot kadagitoy a pagalagadan. Laglagipen tayo nga adda pagsasao a “ TI PANAGPREBENTAR KET NASAYSAYAAT NGA AMANG NGEM ITI PANAGAGAS.”

Agtultuloy latta garud iti pangaramid tayo kadagitoy sumaganad a minimum health protocols:
👍Kanayon a panagbuggo ti ima
👍Mandato a panagusar ti face mask
👍Panagbigbig ti umiso a distansya
👍Panagbigbig ti umiso a wagas iti panag ba-en wenno panaguyek
👍Taginayun a panagusar ti Alcohol wenno Sanitizer
👍Kanayon a panag disinfect

AGYAMANAK, NAPINTAS SUYO!

MARIO B. SUBAGAN
Mayor
Chairperson, COVID-19 Municipal Task Force