Skip to main content

LGU-Funded 2022 CBMS Data iti ili ti Suyo, Ilocos Sur

PSA-RSSO I nangipaima ti LGU-Funded 2022 CBMS Data iti ili ti Suyo, Ilocos Sur
Pormal nga inpaima ti Philippine Statistics Authority-Regional Statistical Services Office I babaen ti Provincial Statistical Office ti Ilocos Sur ti LGU-Funded 2022 Community-Based Monitoring System (CBMS) Data idi Pebrero 23, 2024 kadagiti mangibagbagi iti Suyo LGU.
Dagiti datos ti CBMS ket inawat da Suyo (Ilocos Sur) Vice Mayor, Hon. Vice Mayor Samuel B. Subagan, Jr. ken dagiti kameng ti LGU ti Suyo, Ilocos Sur kas kada administrator, MPDC, SB Members, department heads, ken barangay captains manipud kenni Chief Statistical Specialist Jeanette M. Marzan ti PSA Ilocos Sur. Kadua met a nakasuporta ti PSA RSSOI nga inbagi met ni Senior Statistical Specialist Melchor Bautista.
Inpalatak ti PSA Ilocos Sur ti kanayon nga ipakpakaammo ti PSA a ti CBMS Data ket paset pay laeng dagiti produkto ken serbisio ti PSA tapno masigurado a pudno ken husto dagiti impormasion a makalap ken maidatag iti gobierno tapno naan anay a makatulong iti pannakasangal dagiti programa ken proyekto para iti publiko. Gandat daytoy a mapasayaat ken mapadaras iti pannakugun-od dagiti datos manipud kadagiti umili. (By Maricel Montemayor Fronda)
(Ladawan manipud PSA Ilocos Sur)

Skip to content