3rd Case of Covid 19 Announcement from Province of Ilocos Sur

Kinumpirmaran ni Gov. Ryan Singson ti maikatlo a kaso ti COVID19 iti probinsia nga isu ket maysa a masikug, returning OFW a taga-Pantay Daya, Vigan City a simmangpet idi April 15, 2020.

Nag-quarantine idiay The Selah Garden Hotel, Pasay City ti pasyente agingga idi May 25 ket iti dayta met la nga aldaw, nakaawid ditoy probinsia babaen iti tulong ti Overseas Workers Welfare Administration ken ti Department of Transportation.

May 9 ket nagnegatibo iti RT-PCR test a dimmalananna isu a napalubosan a makaawid ditoy probinsia.

June 7 idi nagpakonsulta ti pasyente babaen iti panagtinnawagda iti City Health Office ta nakarikna ti body malaise, sore throat, ken gurigor ket idi June 8, nai-admit idiay ISDH Magsingal nga isu ti pannakaidalanna iti swab testing.

Gapu iti dayta, maisayangkat ti contact tracing iti intero a Metro Vigan, Sinait, Cabugao, Narvacan, Santiago, Sta. Cruz ken Tagudin.

Makikammayet dagiti provincial health officers iti OWWA tapno mabigbig dagiti nakalugananna a naggawid manipud National Capital Region.

:Post manipod ti Bombo Radyo Vigan